انتوا جيتوا؟ إيه دة كل دول ناس قاعدين؟ أمال مين اللي في المظاهرات؟
الشوارع فاضية و البلد رايقة جداااا
أنا رأيي نخلي الإضراب مستمر طول الأسبوع، بس شوية يضربوا و شوية ينزلوا، نقسم نفسنا يعني هنلاقي البلد رايقة و الدنيا ماشية فل الفل
ما دام أنتوا هنا تعالوا بأة نلعب
و لا نقول فوازير و لا نكت
إيه رأيكم؟
طيب انا هاقلكم نكتة قالتهالي أختي إمبارح بس أنا بعد ما ضحكت عليها سألتها هي دى نكتة و لا فزورة
اقولهالكوا الأول و بعدين نتكلم
بيقولك في حمامة حولة و صاحبها أحول الحمامة كانت في القفص و صاحبها الأحول افتكرها برة القفص راح مطلعها برة ، الحمامة الحولة افتكرت نفسها جوة القفص جت تهرب منه راحت داخلة القفص تاني.
دي بأة نكتة و لافزورة
أصل الواحد لما يقعد يفكر يلاقيهم هايفضلوا يعملوا كدة طول الوقت : هو يطلعها و هي ترجع تدخل يبقي هايرسوا في الآخر علي إيه هي دي بأة الفزورة ، عرفتوا بأة الحل عموما ابقوا فكروا كدة و انتوا قاعدين يمكن توصلوا لحل و تبلغوني سلام بأة اما أروح أشوف مين البرة و مين اللي جوة لحسن أنا إتلخبطت خالص
يلا مع السلامة
