بيقولك فيه إضراب يوم 6 ابريل ، تفتكروا ده كلام حقيقي ، تفتكروا في حاجة هاتحصل ، أنا بصراحة خايفة بس مش عارفة لية ، خايفة من الصدام بين الناس و أجهزة الأمن و لا خايفة إن الموضوع يتحول لصراع بين الناس و بعضها ، و لا يمكن أكون خايفة يكون كل دة كلام و ما يحصلش حاجة .
انتوا حاسيين بإية؟ تفتكروا في حاجة هاتحصل فعلا؟ انتوا عايزين إية؟ عايزين حاجة تحصل فعلا ؟ و لا لأ ؟ و لا تكونوش من النوع اللي بيهييص في الزيطة .... انتوا عارفين اني قريت تعليقات كتير قوي علي النت عن ناس عايزين يتضامنوا مع الاعتصام دة بس عشان يقعدوا في البيت ، و ماينزلوش أشغالهم و لا كلياتهم ، طب لو قعدنا في البيت اليوم دة علي الأقل تفتكروا هانعمل إيه؟ ما إحنا فاضيين بأة
لو قعدتوا إنتوا كمان في البيت في اليوم دة ابقوا كلموني أو قابلوني اون لاين ...ايه؟
هانعمل ايه؟
بسيطة
ممكن نلعب مع بعض..... إيه رأيكم ؟
نلعب كوتشينة
بس عايزين كوتشينة كبيرة قوي عشان تكفينا كلنا
هانلعب الشايب عارفينها ؟
طيب
و اللي يجيلوا الشايب نحكم علي بإايه؟
و الا اقولكوا بلاش نحكم عليه ، كفاية إن الشايب هايفضل في أرابيزه
يلا سلام
و ماتنسوش ابقوا قابلوني....
